ჩვენ შესახებ

Anima Chatbotics არის კომპანია, რომელიც აერთიანებს ანტრეპრენიორებს, პროგრამისტებსა და ნარატივ დიზაინერებს ერთი საერთო მიზნის ქვეშ - შევქმნათ ცოცხალი და თავისი “სულის” მქონე ციფრული ასისტენტები, ე.წ. “ჩეთბოტები”.

აქედან გამომდინარეობს დასახელებაც: Chatbotics - პროგრამული კოდის, ალგორითმების და ავატარების შექმნის ხელოვნებაა, ტექნიკური მხარე, “Anima” კი ლათინურად სულს ნიშნავს. ტექნიკურად კარგად გამართული ციფრული თანამშრომელი, რომელსაც ამბის თხრობა შეუძლია და მდიდარი ლექსიკონი აქვს - მოსაუბრეების გადმოსახედიდან თითქოს “სულს” იძენს, მასთან საუბარიც სასიამოვნოა და საუბრის შედეგად მიღებული დადებითი ემოციებიც პირდაპირ პროეცირდება კომპანიასა თუ ადამიანზე, ვისაც წარმოადგენს ეს ჩეთბოტი.

2014 წელს ჩვენმა გუნდმა შექმნა პირველი ქართულენოვანი ჩეთბოტი “კიბერ გალაკტიონი” და პირველი ქართული ჩეთბოტ პლატფორმა, სადაც ნებისმიერ ადამიანს შეეძლო აეწყო საკუთარი კიბერ არსება. კიბერ გალაკტიონის შექმნიდან მოყოლებული, ანიმა მუშაობს არაერთ ინოვაციურ პროექტზე (მათ შორის რომელიც პირდაპირ არაა დაკავშირებული მხოლოდ ჩეთბოტების შექმნასთან), ღიაა თანამედროვე ტექნოლოგიებით დაინტერესებული ნებისმიერი ადამიანისთვის და თანამშრომლობს სხვადასხვა ორგანიზაციასთან და კომპანიასთან.

მოცემულ ეტაპზე ჩვენ ვმუშაობთ მზა ციფრული ასისტენტების შექმნაზე, რომელთაც გარკვეული საბაზისო ცოდნა ექნებათ ამა თუ იმ ინდუსტრიასთან დაკავშირებით და ნებისმიერ კომპანიას შეუძლია დაიქირავოს მსგავსი თანამშრომელი (იხილეთ განყოფილება “ციფრული თანამშრომლები”).

ასევე ვიღებთ ცალკეულ შეკვეთებს ნებისმიერი ტიპისა და სირთული ჩეთბოტების შექმნაზე, რომელთა მთავარი მიზანი კომპანიებსა და ადამიანებს შორის მომსახურებისა და კომუნიკაციის გაუმჯობესებაა (იხილეთ განყოფილება “პრემიუმ ჩეთბოტი”).

ვრცლად

ანიმას შამანები

ზურა ჯიშკარიანი

Anima-ს კიბერ ტომის შამანი, ჩეთბოტების ენთუზიასტი, მწერალი.

ილიაუნის და "საბას" ლიტერატურული პრემიების გამარჯვებული (2018).

რიგი ჩეთბოტების, მათ შორის, პირველი ქართულენოვანი ჩეთბოტის "კიბერგალაკტიონის" ავტორი და ნარატივ დიზაინერი.

დაინტერესებულია, ერთი მხრივ, ხელოვნური ინტელექტის, "ცივი" ალგორითმების, big data-ს შესაძლებლობებისა და მეორე მხრივ, სთორითელინგის (ამბის თხრობის) უძველესი ტრადიციების ერთმანეთთან შეზავებით. სხვადასხვა ლოკალური და ინტერნაციონალური ტექ-არტ გამოფენების და კონფერენციების მონაწილე და სპიკერი. 2016 წელს Creative Bussiness Cup Georgia-ს კონკურსში გამარჯვების შემდეგ, ანიმას სხვა გუნდის წევრებთან ერთად, პარალელურად ამუშავებს "ინტერაქტიული მემორიალების" თემას.
ტექნოლოგიური სინგულარობის ფანი. უყვარს მალევიჩი, ნოოტროპები და სიკვდილი.

სანდრო ასათიანი

“ჯეოლაბ”-ის ერთ-ერთი დამფუძნებელი.

2013 წლიდან დღემდე - საქართველოს საზოგადოებრივ საქმეთა ინსტიტუტი (GIPA) ასისტენტ-პროფესორი.

2009 წლიდან - კითხულობს ლექციებს საქართველოს სხვადასხვა უმაღლეს სახელწიფო თუ კერძო სასწავლებელში: ილიას სახელმწიფო უნივერსიტეტი, საქართველოს საზოგადოებრივ საქმეთა ინსტიტუტი (GIPA), კავკასიის უნივერსიტეტი (CU).

პირველი ქართულენოვანი სოციალური მედიის სახელძღვანელოს ავტორი და ასევე, თანაავტორი წიგნებისა: ”ახალი მედია ჟურნალისტებისათვის”, “ვიდეო ადვოკატირება” და სხვა. წერს სტატიებს სხვადასხვა გამოცემისათვის.

 

პროექტები:
saba.com.ge, cybegala.me, kavshirebi.ge და სხვა.

მარიამ გოჩიაშვილი

მარიამი ანიმას ნარატივ დიზაინის head-ია. პროფესიით ფილოლოგს ბავშვობიდან განსაკუთრებით უყვარდა წერა, ლიტერატურა, თხრობის სხვადასხვა ხერხების გამოგონება და საკუთარ თავში ახალი შესაძლებლობების აღმოჩენა. მთარგმნელობაში, სოცმედიასა თუ პედაგოგიურ საქმიანობაში მოგზაურობების შემდეგ, მარიამმა საკუთარი ინტერესების გაერთიანება ნარატივ დიზაინში იპოვა და ეს საქმე ყველაზე მეტად შეუყვარდა. მას სჯერა, რომ მომავლის პროფესია აირჩია და მისი მიზანია, უფრო და უფრო მეტ ადამიანს გააცნოს და შეაყვაროს ნარატივ დიზაინის ერთგვარი მაგია. ამ მიმართულებით მისი პირველი პროექტი იყო ილიას სახელმწიფო უნივერსიტეტის ჩეთბოტი “უნა”, რომლის შემდეგაც მარიამი, ანიმას გუნდთან ერთად, ყველა დაფაბლიშებულ თუ ექსპერიმენტულ პროექტშია ჩართული. პერიოდულად ატარებს ლექციებსა და ვორქშოფებს სხვადასხვა სასწავლებელში და მუშაობს საავტორო კურსზე, რომელიც თავიდან ბოლომდე ნარატივ დიზაინის საფუძვლებზე იქნება აგებული. მარიამისთვის “ანიმა” სახლია და ყოველი ჩეთბოტის ახალი სამუშაო გვერდი მისთვის ახალი წიგნი, სცენარი და თავგადასავალია.

დათო სამნიაშვილი

ბავშვობიდან თამაშობს ჭადრაკს, ნათამაშები აქვს როგორც ადგილობრივ თბილისის და საქართველოს ასაკობრივ ჩემპიონატებში, ისე საერთაშორისო ტურნირებზე. დღეს ის ბაკურ სულაკაურის გამომცემლობაში მუშაობს. არის სამეცნიერო ფანტასტიკის ჟანრის რომანის “მოქსი” ავტორი, აქვს გადაცემა მეცნიერებაზე - “სამეცნიერო ფაზა, პარალელურად წერს სამეცნიერო სტატიებს სხვადასხვა გამომცემლობისთვის, მათ შორის National Geographic საქართველოსთვის და, რაც მთავარია, ანიმას ნარატივ დიზაინერია და ციფრული არსებების სულებზე მუშაობს.

შოთა იორამაშვილი

ძირითად დროს ატარებს iOS მობილური აპლიკაციების შექმნაში. მისი ჰობია ბოტების ინტერფეისზე მუშაობა და განვითარება. ასწავლის ჯეოლაბსა და საქართველოს საზოგადოებრივ საქმეთა ინსტიტუტში (GIPA)

ანანო ასპანიძე

ანანო არის ანიმას lead დეველოპერი. სხვადასხვა სფეროში რამდენიმეწლიანი ხეტიალის შემდეგ, ანანომ მიაგნო პროფესიას, რომელიც შეუყვარდა. ძირითადად, ის ვებგვერდების კოდებს წერს. მუშაობს და ასწავლის რამდენიმე ადგილას: ჯეოლაბში, ჯიპაში, სტარტაპებში.
P.S. უყვარს მარწყვი, მელიები, რეი ბრედბერი, Pink Floyd და კარგი ადამიანები.

თემურ ჩიჩუა

ნეო არის თიმის კოდმწერი. ბავშვობიდან შლიდა სათამაშოებს და აწყობდა რობოტებს. აღებული აქვს არაერთი ადგილობრივი და საერთაშორისო ჯილდო გამომგონებელთა პროექტებში: “ლეონარდო და ვინჩი”, “ათასწლეულის ინოვაციების კონკურსი”, “IYPO”, “EUCYS”, “INTEL ISEF” და კიდევ ერთი-ორი. მუშაობს ელექტრონულ ინჟინერიაზე, ხელოვნურ ინტელექტსა და ციფრულ ჩხირკელედაობაზე. ნეოსთან ერთად უკვე გავაკეთეთ პროექტები, რომლებიც ფრანკფურტის საერთაშორისო წიგნების ბაზრობასა და “ხიდის” საგამოფენო სივრცეში გავიტანეთ.
ამჟამად მუშაობს იმაზე, რომ ყველა ჩვენს მომხმარებელს სხვადასხვა პლატფორმიდან შეეძლოს “ანიმაზე” აწყობილი ჩეთბოტებით კომუნიკაცია.

ქეთია ბელქანია

ქეთიას განსაკუთრებით უყვარს ხელოვნება და პროფესიადაც ხელოვნებათმცოდნეობა აირჩია. აწარმოებს საკუთარ ბლოგს, სადაც ხშირად განიხილავს ხოლმე ხელოვნების ნიმუშებს.

ანიმაში“ ის ნარატივ დიზაინერია, რაც საშუალებას აძლევს, გამოავლინოს შემოქმედებითი ენერგია, ხოლო საქმეს ჩვეული პერფექციონიზმითა და იუველირული სიზუსტით მიუდგეს. ფიქრობს, რომ ნარატივ დიზაინი არის გზა, რომლის გავლითაც ხელოვნებისა და ციფრული ტექნოლოგიების დაახლოებაა შესაძლებელი და „ანიმაში“ სწორედ ამას აკეთებს.

ცოტნე სტურუა

ცოტნე არის full-stack დეველოპერი , რომელსაც მიზნად აქვს გაიღრმავოს ცოდნა, როგორც  ფრონტენდის ასევე back-end -ის მიმართულებით.

მისი ჰობია: ვებ-გვერდის  ანიმაციების კეთება. ძალიან უყვარს ახლის აღმოჩენა და შესწავლა, სწორედ ეს მოსწონს პროგრამირებაში, რომ ყოველთვის შესაძლებელია რაიმე ახალი აღმოაჩინო.

თამთა პაპუკაშვილი

თამთა ქოფირაითერი და ნარატივ დიზაინერია. დამთავრებული აქვს ილიაუნის სამსახიობო ხელოვნება, კულტურის მენეჯმენტი და სოცმედია მარკეტინგი. ის არაერთი ჰაკათონისა და პროექტის გამარჯვებულია. თამთა ბავშვობიდან  ხელოვნებისაკენ მიისწრაფვოდა, ყოფილი მოცეკვავეა, მაგრამ ის არჩევანის წინაშე დადგა და ტექნოლოგიები აირჩია. ის ფიქრობს, რომ ცხოვრება გვაძლევს შესაძლებლობებს, ჩვენ კი უნდა დავინახოთ და გამოვიყენოთ რაიმე ღირებულის შესაქმნელად. თამთასთვის ჩეთბოტინჟინერია დიდი ხელოვნებაა, თანაც მომავლის და ის თავისსავე მისწრაფებებს უკვე ერთი ნაბიჯით წინ უსწრებს. „გააკეთე არჩევანი, გაიარე,  წინ დაგხვდებაო“, -ამბობს თამთა